ޒުވާނާގެ "ހެޔޮކަން" މިންކުރާ ތަރާދު!
އަޙުމަދު މަޢުޞޫމު، ފެންފިޔާޒުގެ، ހއ. ވަށަފަރު
ތިބާއަކީ ރަހުމަތްތެރިންގެ ނުފޫޒު ފޯރުވަން ދަތި ޝަޚްޞެއްހެއްޔެވެ؟ 
ތިބާގެ ކިބައިގައި އަށަގެންފައިހުރި ރިވެތި ސިފަތައް ހުލިވާކަމުގެ އިހުސާސް ތިބާއަށް ކުރެވޭހެއްޔެވެ؟ ތިބާއާއި އެއްގޮތް އެހެން އެއްވެސް މީހަކު ވޭހެއްޔެވެ؟ ތިބާއީ އަމިއްލަވަންތަ މީހެއް ކަމުގައި ޤަބޫލުކުރަމުހެއްޔެވެ؟ ތިބާގެ އަމިއްލަވަންތަކަން އެއީ ތިބާއަކީ ކާނުކަން އަންގައިދޭ ސިއްކަކަން ގަބޫލުކުރަމުހެއްޔެވެ؟ ތިބާގެ އެއްވެސް ލަނޑުދަނޑިއެއް ވޭހެއްޔެވެ؟ އެހެންކަމަށްވާނަ ތިބާގެ މިސްރާބު ތިއަހުރީ އެ ލަނޑުދަނޑިއާ ދިމާއަށް ހެއްޔެވެ؟ ތިބާ ތިއަ ދަތުރުކުރާ ނައު މިސްރާބުޖަހާފައިހުރީ އަމާން އައްސޭރިއަކަށް ކަން ކަށަވަރުވޭހެއްޔެވެ؟ ތިބާ ތަރުކުރުކުރަމުންދާ ތިއަ ނައު ކަނޑުވެއްޖެނަމަ އފަދަ ދެވަނަ ނަވެއް ބަނދެވޭނެފަދަ އުރައްޕެއް ތިބާގައި އެބަހުރިހެއްޔެވެ؟ ތިބާގެ ހަޔާތަށް ކުރިމަތިވާ ކަނޑުބަޑީގެ އުންޑައިން ދިފާއުވެވޭފަދަ އައްޑަނަ ހުރީ ތައްޔާރަށް ހެއްޔެވެ؟ ތިބާގެ ނަފްސަށް ކުރާ އިތުބާރު އަނެކާއަށް ކުރަމުހެއްޔެވެ؟ އިންސީންގެމެދުގައި ތަފާތުކުރުން އޮންނަންޖެހޭނެ އެއްވެސް ސަބަބެއް ވާނެކަމަށް ތިބާ ޤަބޫލުކުރައްވަމުހެއްޔެވެ؟ ތިބާ އުނގެނުމަށް ލޯބިކުރަމުހެއްޔެވެ؟ އެއީ ތިބާގެ ދަރިފުޅަށްޓަކާ ކޮންމެހެން ކުރަންޖެހޭ ކަމެއްކަމުގައި ދެކެމުހެއްޔެވެ؟ ތިބާއަށް އަލިފާނާ ފެނާ ވަކިވޭހެއްޔެވެ؟ ތިބާއަށް ކުރެވިފައިވާ ކުށުން އުނގެނެމުހެއްޔެވެ؟ އެއިން ހަޔާތުގައި ކުރިއަށް އޮތްބައި އާރާސްތުކުރުމަށް ވިސްނީމުހެއްޔެވެ؟ ކާބަފައިންގެ އިބުރަތްތެރި ވާހަކަތައް އަޑުއެހުމަށް ތިބާ ލޯބިކުރަމުހެއްޔެވެ؟ ތިބާ އަނެކާއާއި ދޭތެރޭ ކަންކުރާގޮތަށް، އަނެކާވެސް ތިބާއާއިދޭތެރޭ ކަންކުރާނެކަމާމެދު ވިސްނީމުހެއްޔެވެ؟ ތިބާ މިއަދު ގުރުބާންކުރި ކޮންމެ ކަމެއްގެ ހެޔޮބަދަލު މާދަމާ ލިބޭނެކަމުގެ އުންމީދު ކުރަމުހެއްޔެވެ؟ އެއްވެސް ގުރޫޕަކީ ލީޑަރެއްހެއްޔެވެ؟ މީހަކަށް ގުރޫޕެއްގެ ލީޑަރަކަށް ނުވެވޭނެހެއްޔެވެ؟ ތިބާ ދިރިއުޅުމުގައި ލީޑަރަކަށްވުމުގެ އުއްމީދު ކުރެވޭހެއްޔެވެ؟ ޑުރަގާ ސިގިރެޓަކީ ވަގުތީ އުފަލެއް/ހައްލެއް ނޫންހެއްޔެވެ؟ އޭގެ ހިތިރަހަ ފަހުން ނުލާނެހެއްޔެވެ؟ ތިބާއަށް ލިބިފައިވާ ކުޅަދާނަކަމަކާއި ހުނަރަކާއި، ޤާބުލުކަމަށް ތިބާ ފަހުރުވެރި ވަމުހެއްޔެވެ؟ މުގުރީންނަށްވެސް ވެސް ކުށް ކިޔޭނެކަމާ، މައިންނަށްވެސް ގޯސް ހެދޭކަމާއި، ޚުދު ތިބާއަށްވެސް ގޯސްހެދޭކަން ގަބޫލުކުރަމުނޫންހެއްޔެވެ؟ ތިބާގެ އާއިލާގެ މީހުން ތިބާއަށްޓަކާ ވީ ގުރުބާން ހަދުމަކުރަމުހެއްޔެވެ؟ ތިބާ އެއްވެސް އެދުމެއްނެތި އަނެކާއާއި ދޭތެރޭ ކުލުނު އުފެދޭހެއްޔެވެ؟ ތިބާއީ ރަނގަޅު މަންމައެއް/ ބައްޕައެއްކަމުގައި ވާނަންހެއްޔެވެ؟ ކާމިޔާބުވަނީ ހިތްވަރާއެކު މަސައްކަތްކޮށް އުޅުން އެކަމަށް ސީދާކޮށްގެންކަން އެނގޭހެއްޔެވެ؟ ތިބާ ހަޔާތުގައި މާޒީވާ ކޮންމެ ސަފުހާއެއް އަލުން މުޠާލިޢާ ކުރަމުހެއްޔެވެ؟ މި ލިޔުމުގައިވާ ސުވާލުތަކުން %98 ސުވާލަށް އާއެކޭ ބުނެވިއްޖެނަމަ ތިބާއީ ހެޔޮ ހަރުދަނާ ޒުވާނެކެވެ. 